Սեյրան Օհանյանը հայտնել է, թե որոնք են իր սեղանի գրքերը
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության պաշտպանության նախարար Սեյրան Օհանյանի համար սեղանի գրքեր են հանդիսանում այն բոլոր գրքերն ու փաստաթղթերը, որոնք ապահովում են երկրի անվտանգությունը: «Արմենպրես»-ի հաղորդմամբ՝ «Բազե-2016» համահայկական երիտասարդական հավաքի մասնակիցների հետ հանդիպմանը ՀՀ պաշտպանության նախարարը, պատասխանելով մասնակինցերից մեկի հարցին, թե ո՞րն է իր սեղանի գիրքը, նշեց.
«Ելնելով իմ գործունեության ոլորտից՝ իմ սեղանի գրքերն են այն բոլոր գրքերն ու փաստաթղթերը, որոնք ապահովում են մեր երկրի անվտանգությունը: Դրանք են՝ Հայաստանի Հանրապետության անվտանգության ռազմավարությունը, պաշտպանության մասին օրենքը, ռազմական դոկտրինը և այն բոլոր փաստաթղթերը և բոլոր այն փաստաթղթերը, որոնք կոչվում են համազորային կանոնադրություններ»:
Նախարարը հավելեց, որ գործունեության ընթացքում գաղափարական աշխատանք իրականացնելու համար իր համար սեղանի գրքեր են հանդիսանում նաև Գարեգին Նժդեհի մասին մինչ օրս լույս տեսած բոլոր գրքերը:
Բաժանորդագրվեք մեր ալիքին Telegram-ում