ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: «Համախմբում» կուսակցությունը մասնակցելու է հանրապետության տարբեր մարզերում կայանալիք տեղական ինքնակառավարման մարմինների ընտրություններին: «Արմենպրես»-ի փոխանցմամբ` այդ մասին նշված է կուսակցության վարչության հայտարարության մեջ:

Դրանում, մասնավորապես ասված է.

«1.Ընդառաջ գնալով «Համախմբում» կուսակցության տարածքային մի շարք կառույցներից արված առաջարկին՝ որոշել ենք մասնակցել հանրապետության տարբեր մարզերում կայանալիք տեղական ինքնակառավարման մարմինների ընտրություններին (համայնքի ղեկավար և ավագանի)։

2.Գյումրիում և Վանաձորում կուսակցությունն ավագանու ընտրություններին կմասնակցի սեփական ցուցակով։

3. Գյումրի և Վանաձոր քաղաքներում «Համախմբում» կուսակցության ավագանու ցուցակները համապատասխանաբար կգլխավորեն Հովհաննես Ասոյանը և Վահան Ղույումչյանը։

4. Գյումրիում և Վանաձորում ավագանու ընտրությունների հետ կապված՝ «Համախմբում» կուսակցության նախագահ Վարդան Օսկանյանն առաջիկա օրերին հանդես կգա ծրագրային ելույթով»։