Հայաստանում ապօրինի ծառահատումների դինամիկան նվազել է
19:00, 23 Օգոստոս 2016
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: 2004 թվականից սկսած Հայաստանում ապօրինի ծառահատումների դինամիկան նվազել է:
«Արմենպրես»-ի հաղորդմամբ` այս մասին օգոստոսի 22-ին լրագրողների հետ հանդիպման ժամանակ նշեց ՀՀ գյուղատնտեսության նախարարության «Հայանտառ» ՊՈԱԿ-ի տնօրեն Մարտուն Մաթևոսյանը:
«Ծառերի ապօրինի հատման նվազումը պայմանավորված է բնակարանների և բնակելի տների գազաֆիկացման հետ»,- նշեց Մաթևոսյանը:
Համաձայն «Հայանտառ»-ի տվյալների` 2004 թվականին Հայաստանի անտառներում ապօրինի հատվել է 32766 հատ ծառ, իսկ 2015 թվականին նույն ցուցանիշը 1972 է:
Բաժանորդագրվեք մեր ալիքին Telegram-ում