ՀՀ ԱԱԾ քննչական վարչության պետ Մնացական Մարուքյանն ազատվել է զբաղեցրած պաշտոնից
15:09, 4 Օգոստոս 2016
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: ՀՀ ԱԱԾ քննչական վարչության պետ Մնացական Մարուքյանն ազատվել է զբաղեցրած պաշտոնից: Այս մասին «Արմենպրես»-ին տեղեկացրեց ԱԱԾ մամուլի կենտրոնի պետ Սամսոն Գալստյանը: Նրա փոխանցմամբ, Մնացական Մարուքյանը թոշակի է անցել:
Սամսոն Գալստյանը նաև տեղեկացրեց, որ Մնացական Մարուքյանի փոխարեն այդ պաշտոնում նշանակվել է Միքայել Համբարձումյանը, ով մինչ այդ ՀՀ ազգային անվտանգության ծառայության քննչական վարչության պետի առաջին տեղակալն էր:
Լուսանկարում` Միքայել Համբարձումյանն է
Բաժանորդագրվեք մեր ալիքին Telegram-ում