Բժիշկ Սալվադոր Խեչոյանը հաջողացրել է դուրս գալ ՊՊԾ գնդից
17:05, 30 Հուլիս 2016
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Պարեկապահակային ծառայության գնդում օրեր շարունակ գտնվող բժիշկ Սալվադոր Խեչոյանը կարողացել է դուրս գալ այնտեղից: «Արմենպրես»-ի հետ զրույցում տեղեկությունը հաստատեց ՀՀ առողջապահության նախարարի մամուլի խոսնակ Անահիտ Հայթայանը: «Իրեն բաց չեն թողել: Նա դուրս է եկել խմբի վիրավորներին օգնություն ցույց տալու, կարողացել է դուրս գալ ու էլ չմտնել»,-ասաց Հայթայանը:
Նրա խոսքով` մյուս բժշկի` Նորայր Թևանյանի և բուժքրոջ` Մալինա Մարգարյանի վերաբերյալ տեղեկություն չունեն:
ՊՊԾ գնդի տարածքում երկու վիրավորի բուժօգնության մեկնած բժիշկներին զինված խ,մբի անդամները պատանդ են վերցրել հուլիսի 27-ին: Բուժաշխատողները չորսն էին, նրանցից մեկին ազատ էին արձակել ինքնազգացողության վատացման պատճառով:
Բաժանորդագրվեք մեր ալիքին Telegram-ում