ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Մոսկվայում տեղի է ունեցել աշխատանքային խմբի փորձագիտական հանդիպում` ուղղված ԵԱՏՄ թվային տարածք ձեւավորելու առաջարկությունների մշակմանը:  «Արմենպրես»-ի հաղորդմամբ` այս մասին տեղեկացրել են ԵԱՏՀ-ի մամուլի ծառայությունից:

Միջոցառմանը մասնակցել են տարբեր հաստատությունների, գիտական կառույցների համալսարանների ներկայացուցիչներ: Եվրասիական տնտեսական հանձնաժողովի անդամ Կարինե Մինասյանը կարեւորել է թվային ակտիվների ստեղծմանն ուղղված ծրագրերի իրականցումը ԵԱՏՄ թվային տնտեսության զարգացման համատեքստում: «Թվային տնտեսությունը տաղանդների տնտեսություն է»,- ընդգծել է նա:

ԵԱՏՀ թվային տրանսֆորմացիայի գծով ղեկավար Ալեքսանդր Պետրովն ընդգծել է, որ պետք է լինել թվային տրասնֆորմացիայի ակտիվ մասնակիցներ, ձեւավորել հմտությունների  զարգացման կենտրոններ` հիմնված ցանցային սկզբունքի վրա:

Ծրագրային հանդիպումների շրջանակներում, որոնք մեկնարկելու են օգոստոսի 3-ին, նախատեսվում է լուծումներ տալ միջոլորտային թվային տնտեսական գործընթացներում առկա խնդիրներին: