Էրդողանը ցանկանում է իրեն ենթարկեցնել ԶՈՒ Գլխավոր շտաբը և հետախուզությունը
20:40, 28 Հուլիս 2016
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Թուրքիայի վարչապետ Ռեջեփ Թայիփ Էրդողանն առաջարկել է իր ենթակայութան տակ փոխանցել Զինված ուժերի գլխավոր շտաբը և Ազգային հետախուզության կազմակերպությունը: «Արմենպրես»-ի փոխանցմամբ՝ այդ մասին հայտնում է NTV հեռուստաընկերությունը՝ վկայակոչելով խորհրդարանում իր աղբյուրը:
Ընդգծվում է, որ նման առաջարկ Էրդողանն արել է խորհրդարանի ղեկավարների հետ հանդիպման ժամանակ, խնդրելով նաև ընդդիմության աջակցությունը և կոչ անելով համապատասխան փոփոխություններ անել երկրի Սահմանադրության մեջ:
Համաձայն Թուրքիայի գործող Սահմանադրության, Գլխավոր շտաբը և հետախուզությունը ենթարկվում են վարչապետին:
Բաժանորդագրվեք մեր ալիքին Telegram-ում