Արտահերթ նիստ հրավիրելու Նիկոլ Փաշինյանի նախաձեռնությանը միացել է 14 պատգամավոր
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Ազգային ժողովի արտահերթ նիստ հրավիրելու պատգամավոր Նիկոլ Փաշինյանի նախաձեռնությանը ստորագրությամբ միացել է 14 պատգամավոր: Ինչպես «Արմենպրես»-ին տեղեկացրեց պատգամավորի օգնական Հակոբ Սիմինդրյանը, միանալու պատրաստակամություն է հայտնել ևս 5 պատգամավոր: «Օրինաց երկիր» խմբակցությունից ևս ասել են, որ կմիանան: Ձևաթուղթն արդեն ուղարկել ենք իրենց: Առաջիկա կես ժամվա ընթացքում կամբողջացնենք արդյունքները»,-ասաց Սիմինդրյանը:
Նա ասաց, որ եթե ձևաթուղթը վերցնելուց 24 ժամվա ընթացքում չհավաքվի 44 ստորագրություն, նիստը չի կայանա: Ստորագրելու ժամկետը լրանում է 17.00-ին:
Համաձայն ԱԺ Կանոնակարգ օրենքի` ԱԺ արտահերթ նիստ հնարավոր է հրավիրել, եթե նախաձեռնում է ՀՀ նախագահը, կառավարությունը կամ ԱԺ պատգամավորների 1/3-ը:
Բաժանորդագրվեք մեր ալիքին Telegram-ում