ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Հանրապետական կուսակցությունից ԱՄՆ-ի նախագահի թեկնածու Դոնալդ Թրամփը հայտարարել Է ընտրություններում հաղթելու դեպքում Ղրիմը Ռուսաստանի մասը ճանաչելու, ինչպես նաեւ պատժամիջոցների վերացման հարցերը քննարկելու պատրաստակամության մասին: Ինչպես տեղեկացնում Է «Արմենպրես»-ն, այս մասին միլիարդատերը հայտարարել Է հուլիսի 27-ին Ֆլորիդայում կայացած մամուլի ասուլիսում, հաղորդել Է Politico-ն:

Բացի դրանից, Թրամփը նշել Է, որ եթե ինքը պետության ղեկավար դառնա, ապա Վաշինգտոնի եւ Մոսկվայի հարաբերությունները կբարելավվեն, «քանի որ դրանք ավելի վատ  լինել չեն կարող»:

Հուլիսի 27-ին ավելի վաղ Միացյալ Նահանգների ղեկավար Բարաք Օբաման դեմոկրատներին կոչ Է արել վախենալու Դոնալդ Թրամփից եւ հաշվից չհանելու նրան: «Ես կարծում եմ՝ սարսափելի Է, երբ նախագահն անհրաժեշտ գիտելիքներ չունի եւ, կարծես, նույնիսկ հետաքրքրված Էլ չԷ ստանալու դրանք»,- հայտարարել Է նախագահը: