«Չելսի»-ն նվազագույն հաշվով առավելության է հասնել «Լիվերպուլ»-ի նկատմամբ
11:41, 28 Հուլիս 2016
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Ֆուտբոլի «International Champions Cup»-ում անգլիական երկու գրանդ ակումբներ խաղադաշտում ուժերն են չափել:
«Արմենպրես»-ը տեղեկացնում է, որ Լոնդոնի «Չելսի»-ն կարողացել է նվազագույն հաշվով առավելության հասնել մերսիսայդյան «Լիվերպուլ»-ի նկատմամբ:
Անտոնիո Կոնտեի «Չելսի»-ն հիանալի է սկսել հանդիպումը և կարողացել է արդեն խաղի մեկնարկին հասնել հաջողության: Լոնդոնցիների կազմում խաղի 10-րդ րոպեին գոլի հեղինակ է դարձել Գարի Կեհիլը: «Լիվերպուլ»-ը ամբողջ խաղի ընթացքում չի կարողացել բեկել խաղի ընթացքը, և մրցավեճն ավարտվել է «ազնվականներ»-ի հաղթանակով: «Չելսի»-ի կազմում հանդիպման 70-րդ րոպեին կարմիր քարտի է արժանացել Սեսկ Ֆաբրեգասը:
Բաժանորդագրվեք մեր ալիքին Telegram-ում