Արսինե Խանջյանին թյուրիմացաբար են բերման ենթարկել, այժմ նա ազատության մեջ է
21:50, 27 Հուլիս 2016
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: ՀՀ ոստիկանությունը թյուրիմացաբար է Խորենացի փողոցից բերման ենթարկել կանադահայ դերասանուհի և պրոդյուսեր Արսինե Խանջյանին: Ներկայում նա ազատ է արձակվել:
Այս մասին «Արմենպրես»-ի հետ զրույցում տեղեկացրեց ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը: «Թյուրիմացություն է եղել, այո, նա տարվել է ոստիկանություն, շատ կարճ ժամանակ անց ազատ է արձակվել, որևէ խնդիր չկա, այս պահին նա ոստիկանությունում չէ»,-ասաց Ահարոնյանը:
Բաժանորդագրվեք մեր ալիքին Telegram-ում