ՄԻՊ-ը դատապարտում է բուժանձնակազմի նկատմամբ ոտնձգության որևէ փորձ կամ հնարավորություն
17:40, 27 Հուլիս 2016
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: ՀՀ Մարդու իրավունքների պաշտպանի համար մտահոգիչ են բուժանձնակազմին ՊՊԾ գնդի տարածքում պահելու վերաբերյալ տեղեկությունները: Այս մասին նշվում է ՄԻՊ աշխատակազմի` «Արմենպրես»-ին տրամադրված հայտարարության մեջ: «Դատապարտելի է բժշկական օգնություն ցուցաբերող անձնակազմերի նկատմամբ անգամ ոտնձգության որևէ փորձ կամ նման հնարավորություն: Բժիշկներն իրականացնում են մարդկանց կյանքն ու առողջությունը փրկելու և դրանով հանդերձ՝ մարդասիրական բարձր առաքելություն: Այդ առաքելությունը միջազգային բոլոր պահանջներով ենթակա է անվերապահ պաշտպանության` առանց որևէ բացառության»,-ասված է գրառման մեջ:
Բաժանորդագրվեք մեր ալիքին Telegram-ում