Solar Impulse 2 ինքնաթիռն ավարտել Է շուրջերկրյա ճանապարհորդությունը
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Solar Impulse 2 արեւամարտկոցներով ինքնաթիռն ավարտել Է իր շուրջերկրյա ճանապարհորդությունը: Այս մասին հաղորդվում Է Twitter-ի՝ առաքելության ակաունտում, տեղեկացնում Է «Արմենպրես»-ը:
Օդանավը, կատարելով վերջին թռիչքը Եգիպտոսից Արաբական Միացյալ Էմիրություններ, վայրԷջք Է կատարել Աբու Դաբիում, որտեղից 2015 թվականի մարտի 9-ին մեկնել Էր շուրջերկրյա ճանապարհորդության:
Արեւամարտկոցներով ինքնաթիռն առաջին անգամ Է կատարում շուրջերկյա ճանապարհորդություն: Ինքնաթիռը 17 թռիչքներով հաղթահարել Է ընդհանուր առմամբ 42 հազար կիլոմետրը գերազանցող տարածություն:
HB-SIB-ն, ինչպես պաշտոնապես անվանում են Solar Impulse շարքի երկրորդ մոդելը, նախատեսված Է այլընտրական Էներգետիկայի հնարավորությունների ցուցադրման համար: Թռչող ապարատի շնորհանդեսը կայացել Է 2014 թվականի մարտի 9-ին:
Solar Impulse-ը կառավարել են օդաչուներ Անդրե Բորշբերգը եւ Բերտրան Պիկարը՝ փոխ առ փոխ փոխարինելով միմյանց:
Բաժանորդագրվեք մեր ալիքին Telegram-ում