ՄՕԿ-ը հայտնել է Ռուսաստանի օլիմպիական հավաքականի «Ռիո 2016»-ին մասնակցելու ձևաչափը
18:12, 25 Հուլիս 2016
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Միջազգային օլիմպիական կոմիտեն որոշում է կայացրել Ռուսաստանի օլիմպիական հավաքականի հետագա մասնակցության ձևաչափը: ՄՕԿ-ը միաձայն որոշել է, որ ռուս մարզիկները կարող են մասնակցել 31-րդ ամառային Օլիմպիական խաղերին: Կոմիտեի հատուկ որոշմամբ Ռիոյում հանդես չեն գա այն մարզիկները, ովքեր երբևէ առնչվել են դոպինգի հետ: Ռուս աթլետների որակազրկումը ևս ուժի մեջ է մնում:
«Արմենպրես»-ի հաղորդմամբ՝ տեղեկությունը հայտնում է միջազգային օլիմպիական կոմիտեի լրատվական բաժինը:
Բաժանորդագրվեք մեր ալիքին Telegram-ում