Սիրիայում խաղաղության տանող միակ ուղին երկխոսությունն Է ՄԱԿ-ի հովանու ներքո
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Սիրիայում քաղաքացիական պատերազմի դադարեցման միակ միջոցը հակամարտող կողմերի քաղաքական երկխոսությունն Է ՄԱԿ-ի միջնորդությամբ: Այս դիրքորոշումն արտացոլված Է այն հայտարարության մեջ, որն ընդունվել Է Իրաքում եւ Սիրիայում «Իսլամական պետություն» (ԻՊ) ահաբեկչական խմբավորման դեմ ԱՄՆ-ի գլխավորած գործողությունների մասնակից երկրների արտաքին քաղաքական եւ զինվորական գերատեսչությունների ղեկավարների՝ առաջին համատեղ հանդիպման արդյունքներով, տեղեկացնում Է «Արմենպրես»-ը:
«Մենք (հակամարտության) կողմերին կոչ ենք անում կառուցողական կերպով ցուցադրելու ՄԱԿ-ի հովանու ներքո քաղաքական երկխոսության հանձնառությունը՝ որպես խաղաղության հասնելու եւ Սիրիայի միասնությունը, ինքնիշխանությունը եւ տարածքային ամբողջականությունը պահպանելու միակ միջոց»,- ընդգծված Է փաստաթղթում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում