«Նոր գիրք» 3/17. «Արևի շողեր»
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: «Արմենպրես» լրատվական գործակալությունը շարունակում է ներկայացնել «Նոր գիրք» նախագիծը: Այն տեղեկություններ է հաղորդում հայաստանյան հրատարակչությունների լույս ընծայած գեղարվեստական գրքերի մասին: Գործակալության էջերում ընթերցասերները հնարավորություն ունեն տեղեկատվություն ստանալ և ծանոթանալ դասական երկերին ու արդի գրականության զարգացման միտումներին: Մեր տարատեսակ ցանկերից ընտրեցեք գրքեր և սկսեք ընթերցել:
Այս շաբաթ «Արմենպրես»-ը դարձյալ առանձնացրել է նոր հրատարակված ուշագրավ մանկական գիրք:
Կարինե Գալյա
«Արևի շողեր»
Ձեռնարկում զետեղված են մանկապատանեկան երգեր և մյուզիքլներ նախադպրոցական, տարրական և միջին դպրոցի երեխաների համար: Երգերը բազմազան են և հետաքրքիր. դրանց բովանդակությունը համահունչ է երեխաների պարզ ու մաքուր ներաշխարհին, բխում է նրանց առօրյայից: Երգերը և մյուզիքլները նպաստում են երեխաների երաժշտական ճաշակի զարգացմանը և կրում են դաստիարակչական բնույթ: Երաշխավորել է Կրթության ազգային ինստիտուտը որպես ուսումնական նյութ:
Բաժանորդագրվեք մեր ալիքին Telegram-ում