1000х90.jpg (78 KB)

Երևանում՝ 11:07,   28 Մարտ 2024

Իրանը կեռապատկի բնական գազի Հայաստան արտահանման ծավալները

Իրանը կեռապատկի բնական գազի Հայաստան արտահանման ծավալները

ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Իրանական ազգային գազային ընկերության (NIGEC) գործադիր տնօրենը հայտնել է, որ իրանական գազի արտահանումը կովկասյան տարածաշրջան պետք է ավելանա երեք անգամ: Ինչպես հաղորդում է «Արմենպրես»-ը, այս մասին տեղեկացնում է իրանական Mehr գործակալությունը:

NIGEC-ի ղեկավար Ալիռեզա Քամելին հայտնել է, որ ներկայում Իրանն օրական մեկ միլիոն խորանարդ մետր գազ է մատակարարում Հայաստանին: «Նախնական համաձայնության հիմքով` թիվը կկազմի երեք միլիոն խորանարդ մետր: Կողմերը ներկայում նախապատրաստում են անհրաժեշտ ենթակառուցվածքները բնական գազի փոխանցումն ավելացնելու նպատակով»,- ասել է նա` հավելելով, որ համաձայնագիրը շուտով վերջնական տեսք կստանա:

Անդրադառնալով Իրանի գազի արդյունահանման ներուժին` Քամելին ընդգծել է, որ «ներկայում չկան սահմանափակումներ Հայաստան գազի արտահանման ուղղությամբ»:

2015 թվականի ամռանը Հայաստանի ու Իրանի միջև ստորագրվել էր համաձայնագիր 400 կՎտ հզորությամբ երրորդ էլեկտրահաղորդման գծի կառուցման վերաբերյալ, որը կարժենա ավելի քան 107 միլիոն եվրո:

Հայաստանի ու Իրանի միջև էլեկտրահաղորդման գիծն ունի 275 կմ երկարություն: Գնման, կառուցման, մոնտաժման ամբողջ աշխատանքները կիրականացնի իրանական կողմը:

Նախատեսվում է, որ նոր գծի կառուցումից հետո երկու երկրի միջև էլեկտրականության փոխանակումը 300-ից կավելանա մինչև 1000-ի:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]