Աթենքի «Ծիածան» թատերախումբը բեմականացրել է «Կողոպուտ կեսգիշերին» կատակերգությունը
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Աթենքի հայ մարզամշակութային «Արարատ» միության «Ծիածան» թատերախումբը հունիսի 4-ին և հունիսի 5-ին մայրաքաղաքի Ռենդի շրջանի Հունաստանի քաղաքապետարանի «Քամպանելիս» սրահում բեմականացրել է Միրոսլավ Միտրովիչի «Կողոպուտ կեսգիշերին» կատակերգությունը:
Այս մասին «Արմենպրես»-ին տեղեկացրին Աթենքի «Հայաստան» լրատու ցանցից՝ հավելով. «Հայկ Գասարճյանի բեմադրությամբ՝ արդիական ոճով ու սքանչելի երաժշտությամբ համատեղված բեմականացումը, հունահայ հասարակությանը նվիրաբերեց ավելի քան 75 րոպե ծիծաղ ու զվարճալի մթնոլորտ:
«Ծիածան» թատերախումբն արդեն գործում է շուրջ տասնմեկ տարի: Այդ տարիների ընթացքում խմբին հաջողվել է ի մի բերել հայ եւ հույն երիտասարդ և երեց դերասանների: Հիշեցնենք, խմբի վերջին ներկայացումներից էր աշխարհահռչակ գրող Վիլյամ Սարոյանի «Իմ սիրտը լեռներում է» ստեղծագործությունը»:
Հաղորդագրության մեջ նաև նշված է, որ բեմականացումը նվիրված էր «Ծիածան» թատերախմբի հիմնադիր անդամ, վաղամեռիկ Երան Թենեքեջյանի հիշատակին:
Բաժանորդագրվեք մեր ալիքին Telegram-ում