Սիրիական զորքերը դիմագրավել են Համայի նահանգում ահաբեկիչների հարձակումը
10:15, 29 Փետրվար 2016
ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ: Սիրիական բանակի մարտիկները փետրվարի 28-ին դիմագրավել են «Ջեբհաթ ան Նուսրա» խմբավորման ահաբեկիչների հարձակումը Համա քաղաքից 40 կիլոմետր հարավ գտնվող զինվորական ճամբարի վրա: Ինչպես տեղեկացնում է «Արմենպրես»-ը, հղում անելով SANA գործակալությանը, Խոր Բենֆասի շրջանում տեղի ունեցած բախման ընթացքում կառավարական ուժերը ոչնչացրել են մի քանի տասնյակ զինյալների եւ շարքից դուրս բերել չորս միավոր զրահատեխնիկա:
Գործակալության տեղեկությունների համաձայն՝ Դեյր Զորի նահանգում զորքերի կողմից իրականացված գործողության արդյունքում Իրաքի հետ սահմանի մերձակա Բու Քեմալում ոչնչացվել են «Իսլամական պետություն» խմբավորման 20-ից ավելի ահաբեկիչներ, հաղորդել է ՏԱՍՍ-ը:
Լուսանկարը` ТАСС
Բաժանորդագրվեք մեր ալիքին Telegram-ում