Թուրքիան հետ է ուղարկել Վատիկանում իր դեսպանին
ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Թուրքիայի արտաքին գործերի նախարարությունը որոշում է կայացրել հետ ուղարկել Վատիկանի իր դեսպան Մեհմեթ Փաչաջըին, ով կանչվել էր Անկարա Սուրբ Պետրոս տաճարում Հայոց ցեղասպանության տարելիցին անցկացված պատարագից հետո: Այս մասին «Արմենպրես»-ը տեղեկացավ Թուրքիայի արտաքին գործերի նախարարության պաշտոնական կայքից:
Վատիկանի Սուրբ Պետրոսի տաճարում 2015 թվականի ապրիլի 12-ին Հայոց ցեղասպանության 100-րդ տարելիցին նվիրված պատարագի իր քարոզում Հռոմի Ֆանցիսկոս պապն արտասանել էր «ցեղասպանություն» բառը՝ Հայոց Մեծ եղեռնը համարելով 20-րդ դարի առաջին ցեղասպանություն:
Այս ելույթից անմիջապես հետո Թուրքիայի արտաքին քաղաքական գերատեսչությունը հրավիրել էր Վատիկանի դեսպանին: Այնուհետև թուրքական իշխանությունները որոշում էին կայացրել հետ կանչել Վատիկանում Թուրքիայի դեսպան Մեհմեթ Փաչաջըին:
Բաժանորդագրվեք մեր ալիքին Telegram-ում