1000х90.jpg (78 KB)

Երևանում՝ 11:07,   29 Մարտ 2024

Աշոտյանը 2015թ. Հայաստանի կրթության և գիտության ոլորտի համար նշանակալի ձեռքբերումների տարի է համարում

Աշոտյանը 2015թ. Հայաստանի կրթության և գիտության ոլորտի համար նշանակալի 
ձեռքբերումների տարի է համարում

ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության կրթության և գիտության նախարար Արմեն Աշոտյանը Ամանորի և Սուրբ Ծննդյան տոների կապակցությամբ շնորհավորական ուղերձ է հղել: Ինչպես հաղորդում է «Արմենպրես»-ը, նախարարի ուղերձը տեղադրված է նրա ֆեյսբուքյան էջում:

«Հարգելի մանկավարժներ, դասախոսներ, գիտաշխատողներ, սիրելի աշակերտներ և ուսանողներ, Շնորհավորում եմ ձեզ Ամանորի և Սուրբ Ծննդյան տոների կապակցությամբ:
2015 թվականը Հայաստանի կրթության և գիտության ոլորտի համար եղավ նշանակալի ձեռքբերումների, նոր նախաձեռնությունների և ամենակարևորը՝ աշխարհի կրթական քարտեզի վրա մեր տեղն ընդգծելու և վերարժևորելու տարի:

Բարեփոխումների լայնածավալ գործընթացի և ապագա ծրագրերի շնորհիվ մեր կրթական համակարգն այսօր զարգանում է միջազգային չափանիշներին համաքայլ՝ արձագանքելով ժամանակի մարտահրավերներին: Լիահույս եմ, որ գալիք տարում նույնպես բարեփոխումների ճկուն գործընթացի շարունակականությունը, բարձրակարգ և որակյալ կրթության ապահովումը, կատարած աշխատանքի հանդեպ պատասխանատվությունն ու խստապահանջությունը յուրաքանչյուրիս համար կշարունակեն մնալ առաջնահերթ ուղենիշ:

Ցանկանում եմ, որ 2016 թվականը լինի խաղաղության, միասնության, հաղթանակների և առաջընթացի, համայն հայության ազգային իղձերի իրականացման և նորանոր ձեռքբերումների տարի: Մաղթում եմ ձեզ բարօրություն, անձնական երջանկություն և ամենայն բարիք: Թող Սուրբ Ծննդյան ավետիսն ուղեկից լինի ձեզ ողջ տարվա ընթացքում»:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]