1000х90.jpg (78 KB)

Երևանում՝ 11:07,   28 Մարտ 2024

Բասկետբոլի Եվրոպայի 2016 թվականի առաջնության մրցավայրերն արդեն հայտնի են

Բասկետբոլի Եվրոպայի 2016 թվականի առաջնության մրցավայրերն արդեն հայտնի են

ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: ՖԻԲԱ-Եվրոպան հրապարակել է այն քաղաքների ցանկը, որոնք ընդունելու են Եվրոպայի 2016 թվականի առաջնությունները:

Տղամարդկանց Հայաստանի ազգային հավաքականը 2016 թվականի ամռանը կուղևորվի Մոլդովա, որտեղ կկայանա Եվրոպայի փոքր երկրների առաջնությունը: Հանդիպումները կկայանան մայրաքաղաք Քիշինևում: Ժամկետները դեռ հստակեցվում են: Ինչպես հաղորդում է «Արմենպրես»-ը, այս մասին տեղեկացնում է Հայաստանի ազգային օլիմպիական կոմիտեի պաշտոնական կայքը:

Տղամարդկանց Եվրոպայի մինչև 20 տարեկանների B դիվիզիոնի առաջնությունը, որին մասնակցելու է նաև Հայաստանը, կկայանա Հունաստանի Հալկիդա քաղաքում: Երիտասարդ բասկետբոլիստները կմրցեն հուլիսի 15-ից 24-ը:

Հայաստանի մինչև 16 տարեկանների հավաքականը 2016 թվականի հուլիսին կմեկնի Կիպրոս, որտեղ կկայանա Եվրոպայի C դիվիզիոնի առաջնությունը: Հանդիպումները կկայանան Նիկոսիայում և Լիմասոլում: Ժամկետները դեռ հստակեցվում են:

Կանանց Հայաստանի մինչև 18 տարեկանների հավաքականը 2016 թվականի հուլիսին կուղևորվի Վրաստանի մայրաքաղաք Թբիլիսի, որտեղ կկայանա Եվրոպայի C դիվիզիոնի առաջնությունը: Ժամկետները դեռ հստակեցվում են:

Եվրոպայի առաջնությունների վիճակահանությունը կկայանա 2016 թվականի հունվարի 22-ին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]