Երևանում՝ 11:07,   22 Մայիս 2024

ԵԱՏՄ աշխատանքային խմբերը քննարկում են թուրքական գյուղմթերքի բացակայությունը Միության անդամ երկրների միջոցով լրացնելու հարցը

ԵԱՏՄ աշխատանքային խմբերը քննարկում են թուրքական գյուղմթերքի բացակայությունը 
Միության անդամ երկրների միջոցով լրացնելու հարցը

ԵՐԵՎԱՆ, 4  ՆՈՅԵՄԲԵՐԻ, ԱՐՄԵՆՊՐԵՍ: ԵԱՏՄ-ում գյուղատնտեսության ոլորտում ստեղծվել է 12 աշխատանքային խումբ, որոնք նպատակաուղղված են ԵԱՏՄ անդամ երկրներում համատեղ ծրագրերի իրականացմանը:  «Արմենպրես»-ի հաղորդմամբ`  դեկտեմբերի 4-ին լրագրողների հետ հանդիպմանն այս մասին ասաց ՀՀ գյուղատնտեսության փոխնախարար Արմեն Հարությունյանը:

«12 խմբերն աշխատում են տարբեր ուղղություններով: Կան խմբեր, որոնք զբաղվում են գյուղատնտեսության ընդհանուր զարգացման հայեցակարգի մշակմամբ: Դրա շրջանակներում մեր փորձագետները ԵԱՏՄ անդամ մյուս պետությունների մասնագետների հետ մշակում են զարգացման ռազմավարություն՝ ըստ պահանջարկի: Օրինակ, աշխարհաքաղաքական փոփոխությունների արդյունքում ԵԱՏՄ անդամ որոշ պետությունններում ստեղծվում է համապատասխան պահանջարկ որոշ գյուղատնտեսական մթերքների համար»,- նշեց Հարությունյանը` հավելելով, որ իրենք փորձում են փոխանցել այդ աշխատանքային խմբերին տեղեկատվությունը, որը հետագայում ներկայացվում է յուրաքանչյուր պետության մասնավոր սեկտորի քննարկմանը:

2016թ-ի հունվարի 1-ից Ռուսաստանն արգելում է Թուրքիայից ներկրվող որոշ ապրանքների մուտքը:Անդրադառնալով այս հարցին` փոխնախարարը նշեց, որ  ԵԱՏՄ շրջանակներում աշխատանքային խմբերը քննարկում են խնդիրը՝ պատրաստելու համար ապրանքների ցանկն ու գնահատելու նոր շուկայական հնարավորությունները ու ազդեցությունները: Դրանից հետո աշխատանքային խմբերի առաջարկները կներկայացվեն պետությունների մասնավոր սեկտորներին․

«ՀՀ գյուղատնտեսության նախարարության քաղաքականությունը ուղղված չէ այլ պետությունների միջև կոնֆլիկտների առաջացման արդյունքում շուկայական հնարավորությունների օգտագործմանը: Մեր ռազմավարությունը կայանում է ԵԱՏՄ անդամակցության շրջանակներում վերացած խոչընդոտների տված հնարավորություններն օգտագործելու մեջ: Իհարկե, աշխարհաքաղաքական փոփոխությունները բերում են որոշակի ժամանակավոր արտոնությունների, որոնցից մենք կարող ենք օգտվել»,- ասաց Հարությունյանը:

Նրա դիտարկմամբ` հաշվի առնելով  ընդհանուր քաղաքականությունը, երբևէ շեշտադրում չի արվում ժամանակավոր երևույթներին, այլ փորձ է արվում աշխատել ԵԱՏՄ-ի շրջանակներում ստեղծվող այն հնարավորություններով, որոնք ստացվել են Մաքսային միության անդամ դառնալու պարագայում:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am