ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Երևանում սեպտեմբերի 19-ին նախատեսված բացօթյա համերգը՝ «Ռեինկարնացիա» (Հայաստան), «Բումբոքս» (Ուկրաինա) և «Ումատուրման» (Ռուսաստան) խմբերի մասնակցությամբ, չի կայանա: Ինչպես «Արմենպրես»-ին տեղեկացրին համերգի կազմակերպիչ One Production ընկերությունից, համերգը չի կայանա, քանի որ նախատեսված քանակով տոմսեր չեն վաճառվել:

«Տեղեկացնում ենք նաև, որ One Production ընկերությունը ելույթ ունեցող խմբերին պայմանագրով նախատեսված չափով կանխավճարը կատարել է և կրում է պատասխանատվություն ձեռքբերված տոմսերի գումարի վերադարձի համար: Վաճառված տոսմերի գումարի վերադարձը կկատարվի այսօրվանից սկսած մեկ ամսվանից հետո, հստակ օրվա մասին կտեղեկացնենք նախապես: Սա հուսահատ քայլ էր կազմակերպության կողմից, քանի որ այլապես այն չէր կարողանա շարունակել գործունեությունը և ձեզ հետագայում ներկայանար յուրօրինակ արտիստների համերգներով: Եվս մեկ անգամ հայցում ենք ձեր ներողամտությունը»,- նշված է ընկերության տարածած հաղորդագրությունում: