ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ում տեղի Է ունեցել արտասահմանյան դիվանագիտական ներկայացուցչությունների ղեկավարների հավատարմագրերի ընդունման արարողություն, որոնց թվում եղել Է նաեւ Կուբայի ներկայացուցիչը: Խոսքը աշխատանքի բազմամյա փորձ ունեցող դիվանագետ Խոսե Ռամոն Կաբանյաս Ռոդրիգեսի մասին Է, տեղեկացնում Է «Արմենպրես»-ը՝ հղում անելով BBC-ին:

Մեպտեմբերի լույս 18-ի գիշերը Reuters-ը հաղորդել Է, որ ԱՄՆ-ը մտադիր Է մեղմացնել սահմանափակումները Կուբայի հետ առեւտրական համագործակցության ոլորտում: Մասնավորապես, մոտ ժամանակներս կարող Է հայտարարվել, որ ԱՄՆ-ի ընկերություններին թույլատրվում Է դուստր ընկերություններ բացել Կուբայում:

Իսկ AP գործակալությունը հաղորդել Է, որ մինչեւ ընթացիկ տարվա վերջը երկու երկրների միջեւ կարող են վերականգնվել ուղիղ փոստային հաղորդակցությունը եւ առեւտրային կանոնավոր ավիաչվերթները:

Հիշեցնենք, որ 2015 թվականի հուլիսին ԱՄՆ-ը եւ Կուբան վերականգնել են հարաբերություններն ավելի քան կեսդարյա ընդմիջումից հետո:

Լուսանկարը` ЕРА/ТАСС