ԹԵՀՐԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայի հակամարտության լուծման ուղղությամբ Իրանի ծրագիրը կիրականացվի պաշտոնական Մոսկվայի հետ խորհրդակցություններից հետո: Ինչպես հաղորդում է «Արմենպրես»-ը` այդ մասին հայտարարել է Իրանի արտաքին գործերի նախարարի տեղակալ Հոսեյն Ամիր Աբդոլլահիյանը:

«Սիրիայում հակամարտության կարգավորման քաղաքական ծրագիրը կիրականացվի առաջիկա օրերին կայանալիք ռուսաստանցի պաշտոնյաների հետ խորհրդակցություններից հետո»,- Fars գործակալության փոխանցմամբ` ասել է Իրանի փոխարտգործնախարարը:

«Ֆրանս պրես» գործակալության տեղեկություններով` Իրանի ԱԳ նախարար Ջավադ Զարիֆն օգոստոսի 12-ին Սիրիայի նախագահ Բաշար Ասադին է տրամադրել Սիրիայի հակամարտության լուծման Իրանի ծրագիրը: Սիրիայի նախագահը դրական է արտահայտվել ծրագրի մասին, անվանելով այն «Իրանի կողմից կառուցողական քաղաքական նախաձեռնություն»:   

Լուսանկարը` РИА Новости