Սիրիայից, Էրիթրեայից եւ Իրաքից առաջին փախստականները ԳՖՀ-ից ժամանել են Ֆրանսիա
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայից, Էրիթրեայից եւ Իրաքից 200 միգրանտներից բաղկացած խումբը սեպտեմբերի 9-ին Գերմանիայից ավտոբուսներով ժամանել Է Ֆրանսիայի մայրաքաղաքի տարածաշրջան: Ինչպես տեղեկացնում Է «Արմենպրես»-ը, առաջին ավտոբուսները, որոնց ուղեւորներն ամբողջ գիշերը Մյունխենից ընթացել են Փարիզի ուղղությամբ, նախատեսված վայր են ժամանել տեղական ժամանակով առավոտյան կողմը: Ներկայում նրանց տեղավորում են Շամպան սյուր Սեն ավանի ժամանակավոր ընդունման կենտրոնում:
Կազմակերպական հարցերի լուծումից հետո, փախստականները, որոնց թվում կան շատ երեխաներ եւ դեռահասներ, կբաշխվեն 2 – 3 մարդ տեղավորող սենյակներում:
Ֆրանսիայի Կարմիր խաչի ավելի վաղ հրապարակված հայտարարության համաձայն՝ սեպտեմբերի 9-ից մինչեւ 11-ը Ֆրանսիայի մայրաքաղաքի տարածաշրջան կժամանի շուրջ հազար փախստական:
Սեպտեմբերի 7-ին Ֆրանսիայի նախագահ Ֆրանսուա Օլանդը մամուլի ասուլիսի ընթացքում հայտարարել Է, որ Ֆրանսիան առաջիկա երկու տարում կընդունի եւս 24 հազար փախստականների, հաղորդել Է ՌԻԱ Նովոստին:
Լուսանկարը` REUTERS
Բաժանորդագրվեք մեր ալիքին Telegram-ում