ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Բարաք Օբաման մտել Է պատմության մեջ որպես ԱՄՆ-ի առաջին գործող նախագահը, որն այցելել Է Միացյալ Նահանգների՝ անդրբեւեռային շրջան, տեղեկացնում Է «Արմենպրես»-ը:

Նախագահի «թիվ մեկ ինքնաթիռը» վայրԷջք Է կատարել Բեւեռային շրջագծից այն կողմ գտնվող Քոցեբու բնակավայրում: ԱՄՆ-ի Մարդահմարի բյուրոյի տվյալների համաձայն՝ 2010 թվականի դրությամբ այնտեղ բնակվում Էր մոտավորապես 3,2 հազար մարդ:

Պետության ղեկավարը կհանդիպի տեղացի բնակիչների հետ եւ նրանց կպատմի այնպիսի հեռավոր քաղաքների համապետական օգնության ծրագրերի մասին, ինչպիսին Քոցեբուն Է:

Ինչպես նշում Է ՏԱՍՍ-ը, Օբաման այսպես Է ավարտում իր եռօրյա ուղեւորությունն Ալյասկա, որի ընթացքում նա, մասնավորապես, բարձրացել Է սառցադաշտ եւ մասնակցել վայրի բնության մեջ գոյատեւմանը նվիրված հեռուստաշոուին:

Նախագահը Վաշինգտոն կժամանի արդեն սեպտեմբերի 3-ին տեղական ժամանակով ժամը 09:00-ին (Երեւանի ժամանակով ժամը 17:00-ին):

Լուսանկարը` AP