Օբաման «խելացնորներ» է անվանել հանրապետականներին
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Սպիտակ տան մամուլի քարտուղարի տեղակալ Էրիկ Շուլցը օգոստոսի 25-ին ստիպված է եղել բացատրություններ տալ Կոնգրեսում հանրապետական ընդդիմության հասցեին ԱՄՆ-ի նախագահ Բարաք Օբամայի արած կտրուկ հայտարարությունների կապակցությամբ: Փորձելով կանխել սկանդալը՝ նա խոստովանել է, որ ամերիկյան վարչակազմի ղեկավարը, հնարավոր է, «փոքր-ինչ տաքացել է»:
Օգոստոսի 24-ի երեկոյան, ելույթ ունենալով Լաս Վեգասում (Նեւադայի նահանգ) Դեմոկրատական կուսակցության հիմնադրամում միջոցների հանգանակման միջոցառմանը, Օբաման հայտարարել է, որ ինքը հարկադրված է Սենատում դեմոկրատների առաջնորդ Հերի Ռիդի հետ քննարկել այն հարցը, «թե ինչպես այդ խելացնորների հետ վարել գործերը մի քանի խնդիրների լուծման համար»:
Ներկաներից ոչ մեկի մոտ ոչ մի կասկած չի եղել, որ, «խելացնորներ» ասելով, նախագահը նկատի է ունեցել Կոնգրեսում հանրապետականների թվից իր քաղաքական ընդդիմախոսներին, որոնք այժմ փորձում են արգելափակել Իրանի միջուկային ծրագրի վերաբերյալ համաձայնագիրը, հաղորդել է ՏԱՍՍ-ը:
Բաժանորդագրվեք մեր ալիքին Telegram-ում