Կառավարությունը հաստատեց ԵԱՏՄ տարածքում կապիտալի ազատ տեղաշարժի մասին նախագիծը
12:33, 18 Օգոստոս 2015
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: ՀՀ կառավարությունն օգոստոսի 18-ի նիստում հավանություն տվեց ՀՀ «Կապիտալի ազատ տեղաշարժի ապահովման համար ֆինանսական շուկաներում պայմանների ստեղծման նպատակով ֆինանսական ոլորտում տեղեկությունների, այդ թվում` կոնֆիդենցիալ, փոխանակման մասին» որոշման նախագծին:
«Արմենպրես»-ի փոխանցմամբ՝ ՀՀ կենտրոնական բանկի նախագահի տեղակալ Ներսես Երիցյանը նշեց, որ նախագծի ընդունման անհրաժեշտությունը պայմանավորված է ՀՀ-ի՝ Եվրասիական տնտեսական միությանն անդամակցությամբ:
Ըստ Երիցյանի` նախագիծն ընդունվել է նաև ԵԱՏՄ անդամ երկրների կառավարությունների և խորհրդարանների կողմից:
Բաժանորդագրվեք մեր ալիքին Telegram-ում