Արամ Ա կաթողիկոսն ընդունել է Լիբանանում Կիպրոսի դեսպանին
15:56, 5 Օգոստոս 2015
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա կաթողիկոսն օգոստոսի 5-ի առավոտյան Բիքֆայայի Սուրբ Աստվածածին վանքում ընդունել է Լիբանանում Կիպրոսի դեսպան Հոմեր Մատրոմաթիսին: Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից:
Հանդիպման ժամանակ քննարկվել են Կիպրոսի հայ համայնքի, Լիբանանի ու Կիպրոսի հարաբերությունների, Հայոց ցեղասպանության 100-րդ տարելիցի հետ կապված հարցեր: Հանդիպման ընթացքում կողմերը քննարկել են նաև Միջին Արևելքում վերջին շրջանում տեղի ունեցող զարգացումները:
Բաժանորդագրվեք մեր ալիքին Telegram-ում