Օռնելա Մուտին տպավորված է հայկական ավանդույթներով և լավաշի համով
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Իտալական կինոյի ճանաչված և սիրված դերասանուհի, երևանյան «Ոսկե ծիրան» 12-րդ միջազգային կինոփառատոնի պատվավոր հյուր Օռնելա Մուտին Հայաստան կատարած այցի ընթացքում ականատես է եղել լավաշի պատրաստման գործընթացին: «Արմենպրես» -ի փոխանցմամբ՝ անվանի դերասանուհին այդ առիթով լուսանկար-կոլաժ է հրապարակել «Ինստագրամ»-ի իր էջում:
«Սիրում եմ ավանդույթները, համեղ հաց»,-նշել է Օռնելա Մուտին:
Դերասանուհին նաև լուսանկար է հրապարակել Գեղարդ կատարած այցից:
Օռնելա Մուտին վերջին օրերի ընթացքում հայաստանյան այցից շուրջ երկու տասնյակ լուսանկար է հրապարակել և տարածել, այդ թվում փառատոնի մեկ այլ պատվավոր հյուր՝ դերասանուհի Նաստասյա Կինսկիի հետ արված լուսանկարները: «Ես շատ եմ ճանապարհորդում աշխարհում, և միշտ լավ ընդունելության եմ արժանանում: Բայց Հայաստանում ավելի շատ հուզվեցի, քան որևէ այլ երկրում: Այստեղ կա խորհուրդ, դաստիարակություն, հարգանք և սեր, որն ինձ ցույց տվեցիք: Շնորհակալություն»,-Երևանում խոստովանել էր անվանի դերասանուհին:
Լուսանկարները՝ Օռնելա Մուտիի «Ինստագրամ»-ի էջից
Բաժանորդագրվեք մեր ալիքին Telegram-ում