Ժամանակը Երևանում՝ 11:07:36,   17 Հունվար

Բաղրամյան պողոտայում երկու երիտասարդ հացադուլ են հայտարարել. նրանց վիճակով հետաքրքրվեց Վալերի Օսիպյանը


ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Երևանի փոխոստիկանապետ Վալերի Օսիպյանը մոտեցավ Բաղրամյան պողոտայում հացադուլ հայտարարած երկու երիտասարդի: Նա զրուցեց տղաների հետ, հետաքրքրվեց նրանց առողջական վիճակով: «Արմենպրես»-ի փոխանցմամբ` Վալերի Օսիպյանը հարցրեց, թե որքան ժամանակ են պատրաստվում երիտասարդները մնալ հացադուլի մեջ, ի պատասխան` նրանք նշեցին. «Այնքան ժամանակ, քանի դեռ մեր պահանջները չեն կատարվել»: Երիտասարդները հայտնեցին, որ չեն ցանկանում էլեկտրաէներգիայի սակագնի բարձրացում:

Վալերի Օսիպյանը նրանց խորհուրդ տվեց հացադուլին զուգահեռ չծխել` նշելով, որ հակառակ պարագայում կարող են առողջության հետ կապված լուրջ խնդիրներ առաջանալ:

Երիտասարդները խոստացան թողնել ծխելը` շնորհակալություն հայտնելով Երևանի փոխոստիկանապետին իրենց առողջական վիճակով հետաքրքրվելու համար:

Լրագրողի հարցին պատասխան, թե արդյոք Երևանի ոստիկանապետը տեղյակ է հացադուլի մասին` Վալերի Օսիպյանը հայտնեց. «Ոստիկանության պետը տիրապետում է օպերատիվ իրավիճակին»:




Մրցույթ

«Մեկ անգամ Հայաստանում»

Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ