Ժամանակը Երևանում՝ 11:07:36,   22 Հունվար

Ազատության հրապարակը մարդաշատ չէ. Բաղրամյան պողոտայում իրավիճակը հանդարտ է


ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Ազատության հրապարակում ընդդեմ էլեկտրաէներգիայի թանկացման նստացույցը շարունակող քաղաքացիներին հյուրընկալվել է հայտնի երգիչ Արսեն Գրիգորյանը (Մրո): Նա երգել է ցուցարարների համար:

«Արմենպրես»-ի թղթակցի հաղորդմամբ` Ազատության հրապարակում մի խումբ երիտասարդներ շարունակում են նստացույցը` վստահեցնելով, որ մնալու են այդտեղ այնքան ժամանակ, մինչև չհասնեն իրենց նպատակներին: Ազատության հրապարակը մարդաշատ չէ (մոտ 200 մարդ):

Միևնույն ժամանակ, Բաղրամյան պողոտայում ևս շարունակվում է բողոքի ակցիան: Այս պահին իրավիճակը հանդարտ է: Բողոքի ակցիայի մասնակիցների քանակը զգալիորեն զիջում է նախորդ օրերի ցուցարարների թվին:

Հունիսի 28-ին Բաղրամյան պողոտայից ցուցարարների մի ստված զանգված՝ «Ոչ թալանին» նախաձեռնության անդամների հետ, անսալով ոստիկանության կոչին, տեղափոխվել է Ազատության հրապարակ՝ պատրաստվելով անժամկետ նստացույցի: Սակայն ցույցի մասնակիցների մի հատված հրաժարվեց ազատել Բաղրամյան պողոտան:

 

 

 

 

 

 



Լրահոս

Բոլոր նորությունները    


Яндекс.Метрика
Էջի կարգավորումներ