Ռոման Բերեզվոսկին իր ապագայի մասին որոշումը կընդունի մեկ ամսվա ընթացքում
19:48, 25 Հունիս 2015
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի և Մոսկվայի «Դինամո»-ի ֆուտբոլիստ Ռոման Բերեզովսկին դեռ որոշում չի կայացրել իր ապագայի վերաբերյալ:
«Հարցերի մեծ մասը կապված է Հայաստանի հավաքականի գլխավոր մարզչի որոշումից։ Եթե ես կարողանամ մարզավիճակս պահպանել մարզումների ընթացքում, ապա հնարավոր է՝ չավարտեմ կարիերաս։ Իսկ եթե համապատասխանել չկարողանամ, ապա այդ փաստն անխուսափելի է։ Մեկ ամսվա ընթացքում կկողմնորոշվեմ»,- «Արմենպրես»-ի հաղորդմամբ՝ Բերեզովսկու խոսքերը մեջբերում է ռուսական Rsport կայքը:
Ռոման Բերեզովսկին կարող է կարիերան ավարտելուց հետո աշխատանքը շարունակել «Դինամո»-ում:
Բաժանորդագրվեք մեր ալիքին Telegram-ում