1000х90.jpg (78 KB)

Երևանում՝ 11:07,   29 Մարտ 2024

Իրաքյան Քրդստանի խորհրդարանը Հայոց ցեղասպանությունը ճանաչելու մասին առաջարկ կքննարկի

Իրաքյան Քրդստանի խորհրդարանը Հայոց ցեղասպանությունը ճանաչելու  մասին 
առաջարկ կքննարկի

ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Իրաքյան Քրդստանի խորհրդարանի ծագումով հայ միակ պատգամավոր Երվանդ Նիսանն անհրաժեշտ թվով ստորագրություններ հավաքելուց հետո 1915 թվականի իրադարձությունները Հայոց ցեղասպանություն ճանաչելու մասին օրենսդրական առաջարկ է ներկայացրել խորհրդարանի քննարկմանը:

Այս մասին, ինչպես հաղորդում է «Արմենպրես»-ը, հայտնում է քուրդիստանյան Rudaw-ը` նշելով, որ առաջարկին աջակցություն է հայտնել ինքնավարության հիմնադիրներից «Քրդիստանի հայրենասերների միություն» կուսակցությունը (ՔՀՄ):

Երվանդ Նիսանը 40 խորհրդարանականների ստորագրությամբ օրենսդրական առաջարկը ներկայացրել է Քրդստանի խորհրդարանի նախագահություն: Օրինագծով առաջարկվում է ճանաչել Հայոց ցեղասպանությունը եւ ապրիլի 24-ն ինքնավարությունում պաշտոնապես համարել ոչ աշխատանքային օր:

Rudaw-ի հետ զրույցում «Քրդստանի հայրենասերների միության» պատգամավոր Ռեվաս Ֆայիքը, նշելով, որ առաջարկի տակ ստորագրել է նաեւ ինքը, ասել է, որ խորհրդարանի կողմից օրինագծի վավերացման մեծ հավականություն է տեսնում:

Նշվում է, որ օրենսդրական առաջարկն ստորագրել են քրդական ինքնավարության համահիմնադիր Քրդստանի դեմոկրատական կուսակցության (ՔԴԿ) որոշ պատգամավորներ եւս:

ՔԴԿ անդամ Մուհամադ Ամիր Դերշեւին Rudaw-ին ասել է, որ իրենք բոլորն էլ գիտեն, որ Ցեղասպանություն եղել է:

«Ժամանակին Բարզանիները եւ մյուս ցեղախմբերը Թուրքիայի հետ սահմանում միացել էին հայերին օգնելու գործին: Սակայն այժմ Քրդստանի տարածաշրջանում նման քայլ անելը հեշտ չէ: Անհրաժեշտ է, որպեսզի նախաձեռնությունն իր ձեռքը վերցնի Քրդստանի խորհրդարանը», -ասել է նա:

Թուրքիայի գծով մասնագետ Բեյար Մուստաֆան էլ կարծիք է հայտնել, որ Քրդստանի խորհրդարանում նման առաջարկի քննարկումն ու ընդունումը կարող է մեծ վնաս հասցնել Էրբիլ-Անկարա հարաբերություններին:

2015 թվականի սկզբին Քրդստանի տարածաշրջանում հայերենն ընդունվել էր որպես պաշտոնական լեզու:

 

Լուսանկարը`  KRG.org


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]