1000х90.jpg (78 KB)

Երևանում՝ 11:07,   29 Մարտ 2024

ՄԱԿ-ը 15 մլն դոլար է հատկացնում Նեպալին օգնություն ցուցաբերելու համար

ՄԱԿ-ը 15 մլն դոլար է հատկացնում Նեպալին օգնություն ցուցաբերելու համար

ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: ՄԱԿ-ը 15 մլն դոլար է հատկացնում ավերիչ երկրաշարժից տուժած Նեպալին օգնություն ցուցաբերելու համար: Այդ մասին, ինչպես տեղեկացնում է «Արմենպրես»-ը, հաղորդվում է համաշխարհային կազմակերպության հումանիտար հարցերի կոորդինացման վարչության՝ ապրիլի 28-ին հրապարակված հաշվետվության մեջ:

«Գլխավոր քարտուղարի հումանիտար հարցերով տեղակալ Վալերի Ամոսը կարգադրել է ՄԱԿ-ի կենտրոնական հիմնադրամից 15 մլն դոլար հատկացնել արտակարգ իրավիճակին արձագանքելու համար, որպեսզի միջազգային հումանիտար կազմակերպություններին հնարավորություն ընձեռվի արագորեն գործողություններ ծավալել Նեպալում»,- ասված է փաստաթղթում:

Ըստ վերջին գնահատումների՝ ապրիլի 25-ին Նեպալում տեղի ունեցած երկրաշարժի զոհերի թիվը գերազանցել է 5 հազարը, վնասվածքներ է ստացել շուրջ 10 հազար մարդ: ՄԱԿ-ի տվյալներով՝ տարերքի հարվածից տուժել է երկրի 8,1 մլն բնակիչ:

Ինչպես նշում Է ՏԱՍՍ-ը, ՄԱԿ-ը գործընկերների հետ միասին ջանքեր է գործադրում Նեպալի բնակիչներին օգնություն ցուցաբերելու համար: Այսպես, Պարենի համաշխարհային ծրագիրը պլանավորում է երեք ամսվա ընթացքում օգնություն ցույց տալ 1,4 մլն մարդու: Բացի այդ, Ծրագիրը երկիր է ուղարկել 80 տոննա առաջին անհրաժեշտության իրեր, որոնք ներառում են վրաններ, վերմակներ եւ դեղորայք:

Իր հերթին Առողջապահության համաշխարհային կազմակերպությունը Նեպալ է հասցրել դեղորայք, որը նախատեսված է առաջիկա ամիսներին 80 հազար մարդու օգնություն ցուցաբերելու համար:

Լուսանկարը`EPA


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]