1000х90.jpg (78 KB)

Երևանում՝ 11:07,   29 Մարտ 2024

Ինքնատիպ ֆոտոպատմություն՝ «Genealogy» խմբի 6 արտիստների մասնակցությամբ

Ինքնատիպ ֆոտոպատմություն՝ «Genealogy» խմբի 6 արտիստների 
մասնակցությամբ

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: «Եվրատեսիլ-2015»-ի հայաստանյան ներկայացուցիչ «Genealogy» խմբի 6 արտիստների մասնակցությամբ հետաքրքիր եւ յուրօրինակ ֆոտոպատմություն է նկարահանվել Հայաստանում: Ինչպես «Արմենպրես»-ին տեղեկացրին Առաջին ալիքի Հասարակայնության հետ կապերի բաժնից, հավատարիմ մնալով եվրատեսիլյան հայաստանյան այս տարվա մասնակցության ձեւաչափին՝ «Genealogy» -ն ներկայացնում է իր ծագումնաբանությունը:

Խմբի անդամներն իրենց մեջ կրում եւ փորձում են եվրոպացի հանդիսատեսին ներկայացնել նաեւ հայկական մշակույթի հարուստ ժառանգությունը: Ֆոտոսեսիան իրականացվել է Մուղնու Սուրբ Գեւորգ եկեղեցու բակում, որտեղ ներկայացվում են նաեւ հայկական, ազգային մշակութային ավանդույթները, հայկական ճարտարապետության առանձնահատկությունները, գրավչությունը, ինչպես նաեւ քանդակագործության յուրօրինակությունն ու ինքնատիպությունը: Ֆոտոսեսիայի ոճաբանն է Արմեն Գալյանը, լուսանկարիչը՝ Ռուբեն Մարտիրոսյանը:

Արմեն Գալյանը մասնակիցների հագուստներում համադրել է սեւի եւ մոխրագույնի տարբեր երանգներ, տարբերվող գործվածքներ, ինչի շնորհիվ էլ միապաղաղ գունային գամման ստացել է ավելի եռաչափ տեսք: Հագուստը կարվել է այժմ նորաձեւ համարվող պարզ ձեւվածքով, ավելի մեծ չափսի, ընդգծված ուսերով: «Մենք համադրել ենք եվրոպական եւ հայկական նորաձեւության միտումները, զուգակցել արդիականն ու ավանդականը: Փորձել ենք ստանալ ժամանակակից համարվող, ինչպես նաեւ հայկական արմատները միաձուլող կերպարներ: Ընտրված թեման շատ նորաձեւ է»,- նշել է նա: Կերպարն ընդգծելու եւ ամբողջացնելու համար օգտագործվել են մեր սփյուռքահայ եւ հայաստանցի մասնակիցների տատիկների, պապիկների հին լուսանկարներով ու հայկական ճարտարապետության, Մուղնիի եկեղեցու զարդանախշերով պատրաստված հատուկ կրծքանշաններ, որոնք խորհրդանշում են «Genealogy» խմբի անունը, հայաստանյան մասնակցության ձեւաչափի հիմքում ընկած ծագումնաբանության գաղափարը, հայ ժողովրդի դարավոր մշակույթի առանձնահատկությունները: Լուսանկարիչ Ռուբեն Մարտիրոսյանն էլ, ոգեշնչվելով եվրատեսիլյան «Face The Shadow» երգից, յուրովի կարողացել է յուրաքանչյուրի կերպարը դարձնել ստվեր:

«Եվրատեսիլ- 2015» երգի միջազգային մրցույթը կանցկացվի Ավստրիայի մայրաքաղաք Վիեննայում՝ «Կառուցելով կամուրջներ» նշանաբանի ներքո: Հայաստանը կներկայացնի «Genealogy» խումբը՝ «Face The Shadow»  (թարգմանաբար` Առերեսվի՛ր ստվերին) խորագրի ներքո:




Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]