1000х90.jpg (78 KB)

Երևանում՝ 11:07,   28 Մարտ 2024

Հունահայ երիտասարդները Հայոց ցեղասպանության ճանաչման պահանջագիր են հանձնել ԵՄ ներկայացուցչին

Հունահայ երիտասարդները Հայոց ցեղասպանության ճանաչման պահանջագիր են 
հանձնել ԵՄ ներկայացուցչին

ԱԹԵՆՔ, 27 ՄԱՐՏԻ, ԱՐՄԵՆՊՐԵՍ: ՀՅԴ Հունաստանի Երիտասարդական Միության անդամները Հունաստանում Եվրամիության պատվիրակության շենքի դիմաց բողոքի ակցիա են կազմակերպել` պահանջելով, որպեսզի ԵՄ անդամ պետությունները վերջ տան ժխտողական քաղաքականությանը եւ ճանաչեն ու դատապարտեն Հայոց ցեղասպանությունը:

Ինչպես «Արմենպրես»-ին փոխանցեցին Աթենքում հրատարակվող «Ազատ օր» պարբերականի խմբագրությունից, երիտասարդները պահանջագիր են հանձնել Եվրամիության ներկայացուցչին, որտեղ շեշտել են, որ Հայոց ցեղասպանության 100-րդ տարելիցին Թուրքիան շարունակում է ժխտել Հայոց ցեղասպանության փաստն ու համաշխարհային քարոզչություն է իրականացնում պատմական իրողությունն աղավաղելու համար:

«Հայոց ցեղասպանության 100-րդ տարելիցի նախաշեմին, մենք` որպես վերապրածների սերունդ, հայտարարում ենք, որ վճռական ենք Հայոց ցեղասպանության զոհերի հիշատակի եւ հայ ազգի անանցողիկ իրավունքների համար մղվող արդար գործում: Մենք կոչ ենք անում Եվրամիությանը խրախուսել անդամ պետություններին, որ նրանք ճանաչեն Հայոց ցեղասպանությունն ու քրեական պատասխանատվության ենթարկեն ժխտողներին»,- ասված է պահանջագրում:

Հունահայ երիտասարդները նաեւ պահանջում են ԵՄ-ից` ճնշումներ գործադրել Թուրքիայի վրա, որպեսզի վերջինս ճանաչի Հայոց ցեղասպանությունն ու քայլեր կատարի` նյութական եւ ոչ նյութական կորուստների փոխհատուցման եւ հայ ազգի պատմական իրավունքների վերականգնման ուղղությամբ:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]