1000х90.jpg (78 KB)

Երևանում՝ 11:07,   29 Մարտ 2024

Թուրքիան «Մուսուլման եղբայրներին» 1 մլն դոլար է վճարել Հայոց ցեղասպանության մասին փաստաթղթերը ոչնչացնելու համար

Թուրքիան «Մուսուլման եղբայրներին» 1 մլն   դոլար է վճարել Հայոց ցեղասպանության մասին  փաստաթղթերը ոչնչացնելու համար

ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Թուրքիան ավելի քան մեկ միլիոն դոլար է վճարել «Մուսուլման եղբայրներ» շարժմանը` Եգիպտոսի ինստիտուտում պահվող, Հայոց ցեղասպանության իրողությունը հաստատող փաստաթղթերը վերացնելու համար:

Այս մասին, ինչպես հաղորդում է «Արմենպրես»-ը` վկայակոչելով թուրքական DemokratHaber կայքը, Եգիպտոսի կառավարության նիստում հայտարարել է այդ երկրի «Ջիհաթ» կուսակցության հիմնադիր շեյխ Նաբիլ Նաիմը:

Բացի այդ, Նաիմը տեղեկացրել է, որ ինստիտուտը հրդեհելու միջոցով Հայոց ցեղասպանության մասին փաստաթղթերի վերացման գործում անմիջական մասնակցություն են ունեցել Եգիպտոսում իսլամական հեղափոխության փորձ կատարած «Մուսուլման եղբայրներ» շարժման որոշ անդամներ: Նաիմը հայտարարել է, որ «նման քայլի համար Եգիպտոսը պետք է պատժի Թուրքիային»:

Եգիպտոսի ինստիտուտի այրված արխիվներում Հայոց ցեղասպանության փաստի վերաբերյալ փաստաթղթեր պահվելու մասին ավելի վաղ հայտնել էր Կահիրեում հրապարակվող «Վետո» թերթը: Թերթը հայտնել էր, որ այդ փաստաթղերը «կարող էին Թուրքիային դժվար կացության մեջ դնել միջազգային դատարանում»:

2011 թվականի հունվարին, Եգիպտոսի նախկին Նախագահ Հուսնի Մուբարաքի դեմ Կահիրեի Թահրիր հրապարակում «Մուսուլման եղբայրներ» շարժման կողմից սկսված ցույցերի պատճառով ստեղծված քաոսի պայմաններում այրվեցին մի շարք պետական հաստատություններ, այդ թվում` Եգիպտոսի ինստիտուտը, որտեղ պահվում էին Միջին Ասիայի եւ Միջերկրական ծովի ափամերձ երկրներին վերաբերվող պատմական փաստաթղթեր: Ինստիտուտը, որտեղ պահվում էին Հայոց ցեղասպանության իրողությունը փաստող փաստաթղթեր եւս, հրկիզվել է 2011 թվականի դեկտեմբերի 17-ին, ինչի հետեւանքով այդտեղ պահվող արխիվային փաստաթղթերի մեծ մասը ոչնչացվել էր:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]