ԼՂ հակամարտությունը կարող է լուծվել միայն խաղաղ ճանապարհով. Մերկել
18:30, 21 Հունվար 2015
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Աշխատանքային այցով Բեռլինում գտնվող Ադրբեջանի Նախագահ Իլհամ Ալիեւի հետ հանդիպումից հետո կազմակերպված համատեղ մամուլի ասուլիսում Գերմանիայի կանցլեր Անգելա Մերկելը հայտարարել է, որ Լեռնային Ղարաբաղի հակամարտությունը կարող է լուծվել միայն խաղաղ ճանապարհով:
Ինչպես հաղորդում է «Արմենպրես»-ը, Մերկելն ասել է, որ Ալիեւի հետ մտքեր է փոխանակել մի շարք հարցերի շուրջ եւ, մասնավորապես, քննարկել աշխարհաքաղաքական հարցեր, այդ թվում` Ուկրաինայի հարցը:
«Մենք նաեւ քննարկել ենք Ղարաբաղյան հակամարտությունը եւ այն ներդրումը, որը կարող է անել Եվրամիությունը դրա կարգավորման համար: Այդ համակարտությունը կարող է լուծվել միայն խաղաղ ճանապարհով», -ասել է Անգելա Մերկելը:
Բաժանորդագրվեք մեր ալիքին Telegram-ում