Էկոնոմիկայի նախարարությունը միացել է «Մեկ հայ, մեկ հոդված Վիքիպեդիայում» նախաձեռնությանը
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: ՀՀ էկոնոմիկայի նախարարության աշխատակազմի ներդրումային քաղաքականության վարչությունը ևս միացել է համահայկական «Մեկ հայ, մեկ հոդված Վիքիպեդիայում» նախաձեռնությանը: «Արմենպրես»-ի փոխանցմամբ` այս մասին «Հայերեն Վիքիպեդիա» ֆեյսբուքյան խմբում գրառում է կատարել ֆեյսբուքյան օգտատեր Կարեն Տերտերյանը:
Գրառմանը կից ներկայացված է նաև ավելացված հոդվածի հղումը, ըստ որի` այն վերաբերում է Հայաստանի ներդրումային միջավայրին: Հոդվածում անդրադարձ կա միջազգային վարկանիշերում Հայաստանի դիրքին, օտարերկրյա ներդրոնղների պաշտպանությանը, արտահանման հնարավորություններին, արտոնությունների համակարգին: Ներկայացված է նաև տեղեկատվություն Հայաստանի ազատ տնտեսական գոտիների վերաբերյալ, ազատ տնտեսական գոտու կամզակերպիչ ու շահագործող դառնալու ընթացակարգերի մասին, ինչպես նաև գործարարների աջակցության մասին:
Բաժանորդագրվեք մեր ալիքին Telegram-ում