Ժամանակը Երևանում՝ 11:07:36,   19 Նոյեմբեր

ԱՄՆ Կոլորադո նահանգում Հայոց ցեղասպանության հիշատակը հավերժացնող խաչքար կկանգնեցվի


ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկայի Միացյալ Նահանգների Կոլորադո նահանգի Դենվեր քաղաքում կտեղադրվի Հայոց ցեղասպանության զոհերի հիշատակին նվիրված խաչքար: Այս մասին «Արմենպրես»-ի հետ զրույցում տեղեկացրեց  Հայաստանի երիտասարդական հիմնադրամի գործադիր տնօրեն Ալեքսանդր Տեր-Հովակիմյանը: «Խաչքարը կագնեցնելու գաղափարը ծնվել է դեռ 2012 թվականին, երբ գործնական այցելություն ունեցա Միացյալ Նահանգներ ու Կոլորադո նահանգի մեր համայնքի ներկայացուցիչների հետ զրուցելիս տեղեկացա, որ նման ցանկություն ունեն»,-ասաց Ալեքսանդր Տեր-Հովակիմյանը:

Նրա խոսքով` համայնքի կողմից խաչքար տեղադրելու առաջարկն ինքը մեծ ուրախությամբ է ընդունել ու հանձն է առել այն Հայաստանում պատրաստելու աշխատանքներով զբաղվելը: «Որոշակի աշխատանքների բաժանում կատարեցինք, ես ինձ վրա վերցրեցի խաչքարի պատրաստման հարցերով զբաղվելը, ցանկություն կար, որ այն Հայաստանում պատրաստվեր և ուղարկվեր Դենվեր»,-հայտնեց զրուցակիցը` հավելելով, որ խաչքարի պաշտոնական բացումը կլինի 2015 թվականի ապրիլի 24-ին: «Այս գործընթացը, իմ կարծիքով, պետք չէ ուղղակիորեն կապել Հայոց ցեղասպանության 100-րդ տարելիցի հետ, որովհետև ես չեմ ուզում, որ մենք ամբողջը սևեռենք 100 թվի վրա ու, երբ այն անցնի, մոռանանք, որ ինչ-որ անելիքներ ունենք: Մեր հիշողության մեջ պետք է վառ պահենք ոճրագործության զոհերի հիշատակը»,-ավելացրեց նա:

Ալեքսանդր Տեր-Հովակիմյանը հատկանշական է համարում այն, որ Կոլորադոյի նահանգային իշխանությունն առաջիներից է Միացյալ Նահանգներում, որ ընդունել է հռչակագիր` ապրիլի 24-ը հայտարարելով Հայոց նահատակների օր (Կոլորադոյի նահանգապետը նման առաջին հռչակագիրն ընդունել է 1981թ. ապրիլի 23-ին): 

Կոլորադո ուղարկվող խաչքարն արդեն պատրաստ է, այն Հին Ջուղայի ավերված խաչքարերից մեկի կրկնօրինակն է: Այսպիսի կրկնօրինակներ կան աշխարհի տարբեր ծայրերում:

Կոլորադոյի Դենվեր քաղաքի հայ համայնքի ներկայացուցիչները խաչքարի մակետով




Այս թեմայով

... վերջին լուր "Հայոց ցեղասպանություն" թեմայով
Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ