2018 թվականի շախմատային Օլիմպիադան կկայանա Բաթում քաղաքում
11:32, 14 Օգոստոս 2014
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Շախմատային 2018 թվականի օլիմպիադան կանցկացվի վրացական Բաթում քաղաքում:
Նորվեգական Տրոմսյո քաղաքում ընթացող շախմատային օլիմպիադայի ընթացքում անցկացվեց նաև ՖԻԴԵ-ի կոնգրեսը, որտեղ կայացավ նաև 2018 թվականի օլիմպիադայի քաղաքի ընտրությունը: Պայքարն ընթանում էր հարավաֆրիկյան Դուրբան և վրացական Բաթում քաղաքների միջև:
Քաղաքները ներկայացրել են իրենց հնարավորությունները: Ի վերջո քվեարկության արդյունքում Բաթումը հաղթել է 93-58 ձայների հարաբերակցությամբ: «Արմենպրես»-ի հաղորդմամբ, այս մասին տեղեկացնում է Chessnews կայքը:
Շախմատային օլիմպիադան հաջորդ անգամ կկայանա Ադրբեջանի մայրաքաղաք Բաքվում:
Բաժանորդագրվեք մեր ալիքին Telegram-ում