Ժամանակը Երևանում՝ 11:07:36,   3 Հունիս

Մանկավարժական համալսարանի ռեկտորը ՀՀ նախագահին հանձնեց Խաչատուր Աբովյանի անվան մեդալ

Մանկավարժական համալսարանի ռեկտորը ՀՀ նախագահին հանձնեց Խաչատուր Աբովյանի անվան մեդալ

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Հայկական պետական մանկավարժական համալսարանի տնօրինությունը ՀՀ նախագահ Սերժ Սարգսյանին հանձնեց Խաչատուր Աբովյանի անվան մեդալ: Հուլիսի 3-ին բուհի գերազանց առաջադիմությամբ ավարտած մի շարք շրջանավարտների դիպլոմների հանձնման արարողության ժամանակ մեդալը նախագահին հանձնեց ռեկտոր Ռուբեն Միրզախանյանը: Նրա խոսքով` պատմական իրադարձության ականատեսն են միջոցառմանը ներկաներ: «Սա իրադարձություն է համալսարանի դասախոսների, պրոֆեսորների, ուսանողների համար, իրադարձություն բոլոր տարիների շրջանավարտների համար, որոնց մեծ մասն այսօր մեր ուսուցչական կազմն է դպրոցում: Իրադարձություն, որ մեկ անգամ ևս ընդգծեց այն կարևորությունը, որ երկրի ղեկավարը տալիս է ազգային դպրոցի զարգացմանը: Մենք խորապես շնորհակալ ենք: Մեզ համար մեծ պատիվ է Ձեզ հանձնել Խաչատուր Աբովյանի մեդալը: Այդ պարգևը գերատեսչական ամենահին պարգևն է Հայաստանում, ունի 70 տարվա պատմություն»,- «Արմենպրես»-ի փոխանցմամբ` նշեց Ռուբեն Միրզախանյանը:

Նա բոլորի անունից շնորհավորեց նախագահ Սերժ Սարգսյանին ծննդյան հոբելյանի կապակցությամբ` մաղթելով առողջություն, երջանկություն, բեղմնավոր գործունեություն` ի փառս հայ ժողովրդի, ի փառս հայոց պետության:

Նախագահի ձեռամբ ավարտական դիպլոմն ստացած Անահիտ Մկրտչյանը լրագրողների հետ զրույցում նշեց, որ կփորձի ճիշտ ծառայեցնել իր ավարտական փաստաթուղթն ու կդառնա երկրի համար արժանի մանկավարժ: Նրա կարծիքով` մանկավարժին բնորոշ ամենակարևոր հատկանիշները աշակերտների հանդեպ հոգատարությունն ու համբերատարությունն է:

Ռոման Սահրադյանն էլ, չնայած հասարակության մեջ արմատավորված կարծրատիպին, որ հիմնականում մանկավարժ են դառնում իգական սեռի ներկայացուցիչները, կփորձի իր բարի ու դրական օրինակով սիրվել աշակերտների և հասարակության անդամների կողմից: «Մանկավարժի գործունեությունն ամենադժվար մասնագիտությունն է, միաժամանակ ամենահարգվածը»,-ասաց շրջանավարտը:

Հուլիսի 3-ին Խաչատուր Աբովյանի անվան հայկական պետական մանկավարժական համալսարանը գերազանցությամբ ավարտած բակալավրիատի և մագիստարատուրայի մի խումբ ուսանողներ ՀՀ նախագահ Սերժ Սարգսյանի ձեռքից ստացան ավարտական դիպլոմը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ