ՀՀ Նախագահի հրամանագրով Մովսես Խորենացու մեդալով պարգևատրվել են պետական կառավարման ակադեմիայի երկու դասախոսներ
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: ՀՀ Նախագահ Սերժ Սարգսյանը հունիսի 7-ին հրամանագիր է ստորագրել Հայաստանի Հանրապետության պետական կառավարման ակադեմիայի 20-ամյակի կապակցությամբ, երկարամյա և արդյունավետ գիտամանկավարժական գործունեության համար ակադեմիայի երկու դասախոների Մովսես Խորենացու մեդալով պարգևատրելու մասին:
Ինչպես «Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, Մովսես Խորենացու մեդալով պարգևատրվել են Վիլիկ Մելքոնի Եդիգարյանը` ակադեմիայի հանրային կառավարման ամբիոնի դոցենտ, և Մարիամ Մամիկոնի Մարգարյանը` ակադեմիայի քաղաքական կառավարման և քաղաքական վերլուծության ամբիոնի վարիչ, քաղաքական գիտությունների դոկտոր, պրոֆեսոր:
Սերժ Սարգսյանը հրամանագիրն ստորագրել է`ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների մասին» Հայաստանի Հանրապետության օրենքը:
Բաժանորդագրվեք մեր ալիքին Telegram-ում