«Շշուկների մատյան» վեպի մոտիվներով կինոպոեմ ռումինական հեռուստատեսությամբ
17:17, 28 Դեկտեմբեր 2013
ԲՈՒԽԱՐԵՍՏ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Ռումինական TvR 3 հեռուստատեսությունը դեկտեմբերի 20-ին ցուցադրեց Վարուժան Ոսկանյանի «Շշուկների մատյան» վեպի մոտիվներով «Շշուկների ուղի» մեկ ժամանոց կինոպոեմը: Խաղարկային կինոպոեմի սցենարը եւ ռեժիսորը Անդրեյ Մագալիեն է (Andrei Magalie), Կարապետ մեծ հոր դերակատարը` Ֆոկշանի Պաստիա (Pastia), թատրոնի տնօրեն Սորին Ֆրանկուն (Sorin Francu): Ֆիլմում «Շշուկների մատյան» վեպից ընդարձակ կտորներ է կարդում հեղինակը` Վարուժան Ոսկանյանը: Կինոպոեմի ցուցադրությունը կրկնվեց երկու օր անց` Tvr HD հեռուստատեսությամբ:
Բաժանորդագրվեք մեր ալիքին Telegram-ում