Սփյուռքի նախարարությունը կոչ է անում ներդրում ունենալ սիրիահայերի «Նոր Հալեպ» թաղամասի կառուցման գործում
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Սիրիահայերի` Աշտարակ քաղաքին կից «Նոր Հալեպ» թաղամասի կառուցման գործում ներդրում կարող է ունենալ յուրաքանչյուրը: Հատուկ այդ նպատակով հաշվեհամար է բացվել: Այս մասին «Արմենպրես»-ը տեղեկացավ ՀՀ սփյուռքի նախարարության պաշտոնական կայքից: «Սիրիայում ընթացող պատերազմի արդյունքում մոտ 10 հազար սիրիահայեր տեղափոխվել են Հայաստանի Հանրապետություն: Հայրենիքում նրանց նկատմամբ ցուցաբերած ջերմությունը լիարժեք կլինի, եթե նրանք ունենան սեփական տանիք: Սիրիահայերի՝ Մայր Հայրենիքում հաստատվելու համար Աշտարակ քաղաքին կից կառուցվելու է «Նոր Հալեպ» թաղամասը: Նոր թաղամասի կառուցման համար պետության հատկացրած միջոցներից բացի անհրաժեշտ է նաև բարերարների, հովանավորների և ողջ հանրության աջակցությունը»,- ասված է նախարարության տարածած հայտարարության մեջ:
«Նոր Հալեպ» թաղամասի կառուցման համար Աշտարակում առաձնացվել է 4,8 հա հողատարածք, որտեղ նախատեսվում է կառուցել հինգ հարկանի չորս շենք: Թաղամասում բնակվելու համար արդեն դիմել է Սիրիայից Հայաստան տեղափոխված 328 ընտանիք:
Ցանկացողները կարող են փոխանցումներ կատարել հետևյալ հաշվեհամարներին.
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ
ACBA-CREDIT AGRICOLE BANK
220413350095000 AMD` ՀՀ դրանով հաշիվ
220413350046001 USD` ԱՄՆ դոլարով հաշիվ:
Բաժանորդագրվեք մեր ալիքին Telegram-ում