Ճապոնիայի գեղասահորդները Սոչիի օլիմպիական խաղերին կնախապատրաստվեն Երեւանում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Ճապոնիայի գեղասահքի ազգային օլիմպիական հավաքականը 2014թվականի փետրվարին Սոչիում կայանալիք ձմեռային օլիմպիական խաղերին կնախապատրաստվեն Երեւանի Կարեն Դեմիրճյանի անվան մարզահամերգային համալիրի սահադաշտում: Այս մասին «Արմենպրես»-ի հետ զրույցում տեղեկացրեց սահադաշտի տնօրեն Դավիթ Մուրադյանը: Նա նշեց, որ այս ուսումնամարզական հավաքի նախաձեռնությունը պատկանում Է ճապոնական կողմին:
Առաջիկայում ճապոնական պատվիրակությունը կժամանի Երեւան փորձնական այցով՝ տեղում ծանոթանալու երեւանյան պայմաններին: Մուրադյանն ընդգծեց, որ ճապոնացիների ցանկությունը հայկական կողմին չի զարմացրել: ՄՀՀ-ն հայտնի Է աշխարհում որպես խոշոր եւ ճանաչված մարզական կառույց, որի սահադաշտը համապատասխանում Է բոլոր միջազգային չափանիշներին` եւ տեխնիկական, եւ որակական առումով:
Նա նշեց, որ Երեւան ճապոնական պատվիրակության ժամանման ընթացքում կորոշվեն Ճապոնիայի օլիմպիական թիմի Երեւանում մարզվելու բոլոր պայմանները եւ ժամկետները: Մուրադյանը նշեց, որ ճապոնացիները շատ նրբանկատ եւ բարձր պահանջներ ունեցող մասնագետներ են: Եթե Ճապոնիայի օլիմպիականները, այն Էլ գեղասահքի նման Էլիտար մարզաձեւում ընտրել են Երեւանը որպես իրենց ուսումնամարզական հավաքի վայր, դա արդեն բարձր գնահատական Է եւ երեւանյան մարզահամալիրին, եւ դրա սահադաշին: Այն ցանկացած պահին կարող Է լիովին պատրատ լինել համապատասխան միջոցառումների անցկացման համար:
Բաժանորդագրվեք մեր ալիքին Telegram-ում