ԵԱՀԿ-ն հերթական մշտադիտարկումը կիրականացնի շփման գծում
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: ԵԱՀԿ գործող նախագահի անձնական ներկայացուցչի մանդատի համաձայն` ԵԱՀԿ-ն օգոստոսի 1-ին մշտադիտարկում կիրականացնի Թովուզի շրջանում: Ինչպես հաղորդում է «Արմենպրես»-ը, հայկական կողմից մոնիտորինգին կմասնակցեն ԵԱՀԿ գործող նախագահի անձնական ներկայացուցչի դաշտային օգնականներ Եվգենի Շարովը, Խրիստո Խրիստովը և ֆինանսական վարչության ղեկավար Պիտեր Սվեդբերգը:
Ադրբեջանական կողմից մշտադիտարկումը կանցկացնեն ԵԱՀԿ գործող նախագահի անձնական ներկայացուցիչ Ուիլյամ Պրայորը և դաշտային օգնական Ժիրի Աբերլեն:
ԵԱՀԿ-ն hուլիսի 24-ին Լեռնային Ղարաբաղի և Ադրբեջանի զինված ուժերի շփման գծի պլանային դիտարկում էր անցկացրել Մարտունու ուղղությամբ: Դիտարկումն անցել էր ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել:
Բաժանորդագրվեք մեր ալիքին Telegram-ում